Homeهەواڵئەکادیمیاى کوردى ڕێزى لە قەڵەمى "محەمەى مەلا کەریم" و " عەبدوڵڵاى حەسەن زادە" گرت

ئەکادیمیاى کوردى ڕێزى لە قەڵەمى "محەمەى مەلا کەریم" و " عەبدوڵڵاى حەسەن زادە" گرت

بڵاوكراوه‌ته‌وه‌ له‌ هه‌واڵ پێنج شەممە, 21 تشرینی دووەم 2013 07:59

ڕۆژى چوارشەممە، 20/11/2013 ئەکادیمیاى کوردى بۆ بەرزنرخاندنى تەمەنێک لە خزمەتى دوو کەسایەتیى گەورەى ئەمدیو و ئەودیوى کوردستان بە زمان و ئەدەبى کوردى، ڕێوڕەسمێکى ڕێزلێنانى بۆ هەر یەک لە مامۆستایان "محەمەى مەلا کەریم" و " عەبدوڵڵاى حەسەن زادە" ڕێکخست.
ئەو مەراسیمە بە ئامادەبوونى ژمارەیەک لە وەزیرو ئەکادیمیى و مامۆستایانى زانکۆ و ئەدیب و نووسەران بەڕێوەچوو.
سەرەتا دکتۆر نورى تاڵەبانى سەرۆکى ئەدیمیاى کوردى لەبارەى ئەو ڕێزڵێنانە چەند وشەیەکى پێشکێش کرد و وتى: ئەکادیمیا بە شانازییەوە خۆى بە بەرپرسیار دەزانێ لە بەرانبەر ئەو ڕێزگرتنە،ئەنجامدانى ئەو مەراسیمەش جگە لە ئەرکێکى وەفادارى و مێژوویى و دانەوەى قەرزێکى بچووکە بۆ ئەو دوو کەڵە رۆشنبیر و نووسەرەى کوردستان،بەشێک لە بیرەوەرییەکانى خۆى لەگەڵ ئەو دوو ڕۆشنبیرە قەلەم زراڤە گێڕایەوە. پاشان زیرەک کەمال وەکوو نوێنەرى سەرۆکى حکومەتى هەرێمى کوردستان وتەیەکى پێشکێش کرد، ئاماژەى بە هەوڵ و هیممەت و کۆششى ئەو دوونووسەرە کرد، دوو نامەى کۆنى مامۆستا هێمنى شاعیر و عەبدوڵڵا حەسەن زادەى خوێندەوە، پاشان هەریەکە لە دوکتۆر عیزەدین مستەفا ڕەسووڵ و مامۆستا جەمال عەبدول و دوکتۆرە شوکریە ڕەسووڵ و دوکتۆر هۆگر فەرەج و مامۆستا جەلیل گادانى بیرەوەرى و یادگارییەکانى خۆیان لەگەڵ ئەو دوو نووسەر گێڕایەوە. هاوکات دوو فیلمى دیکۆمێنتارى لەبارەى ژیان و کارە فەرهەنگی و ئەدەبییەکانى ئەو دوو زاتە نمایشکران.
لەکۆتاییدا دیارى و خەڵاتى ڕێزلێنان لەلایەن دوکتۆر نوورى تاڵەبانى درایە هەردوو نووسەرى گەورە و لەنێو چەپڵەڕێزانى ئامادەبووان کۆتایى بە مەراسیمەکە هێنرا.

ئه‌م بابه‌ته‌ 489 جار خوێندراوه‌ته‌وه‌ دواین نوێكردنه‌وه‌ هەینی, 07 ئازار 2014 15:09

« نیسان 2019 »
٢ شەم ٣ شەم ٤ شەم ٥ شەم هەیینی شەممە ١ شەم
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

 

 

 

 

 

 

 

Copyright © 2013 Kurdish Academy. All Rights Reserved.