Homeهەواڵبەبۆنەى کۆچى دوایی ڕۆشنبیر و ئەکادیمیستـى کورد: د. کەمال فواد، ئەکادیمیاى کوردى سەرەخۆشى لە کەسوکار و هاریێمان و تێکراى گەلى کورد دەکات

بەبۆنەى کۆچى دوایی ڕۆشنبیر و ئەکادیمیستـى کورد: د. کەمال فواد، ئەکادیمیاى کوردى سەرەخۆشى لە کەسوکار و هاریێمان و تێکراى گەلى کورد دەکات گرنگ

بڵاوكراوه‌ته‌وه‌ له‌ هه‌واڵ یەک شەممە, 23 تشرینی دووەم 2014 09:25

 

 

 

لە کاتى کۆبوونەوەى ئەنجومەنى ئەکادیمیاى کوردى لە ڕۆژى یەکشەممە ڕێکەوتى 16/11/2014، هەواڵى کۆچکردنى ئەندامى دامەزرێنەر و کاراى پێشووى ئەکادیمیا، د. کەمال فواد گەیشتە هاوەڵ و دۆستانی. بۆ ڕێزلێنان لە گیانى پاکى ئەو هاوریێەیان، سەرۆکى ئەکادیمیا داواى لە ئەندامان کرد بەبێ دەنگیى خولەکێک رابوەستن، پاشان ئامادەبووان زۆر بە رێزەوە باسى دۆست و کۆچکردوویان کرد. د. کمال بەشى زۆرى ژیانى تەرخانکردبوو بۆ لێکۆڵینەوەى زانستى لە بوارى زمان و ئەدەب و ڕۆژنامەنووسى و بەدواداچوون بە شۆێن دۆکیمەنتى کوردی، جگە لە بەشدارى کردنى لە تێکۆشانى سیاسیى و نەتەوەیی لە کوردستان و لە دەرەوەى وڵات بۆ زیاتر لە نیو سەدە.
بەداخەوە خوالێخۆشبوو ماوەی (3) ساڵ بوو دووچارى نەخۆشێکى کوشندە ببوو. ئەکادیمیاى کوردى سەرەخۆشى لە بنەماڵەکەى و خزم و هەواڵانى و سەرجەم گەلى کورد دەکات، چونکە ئەو گەورە ڕۆشنبیرەى کورد خزمەتێکى زۆرى بە کورد و زمانى کوردى کردووە. هەر لەو کۆبوونەوەدا پێشنیازکرا ئەکادیمیا یادى ئەو ئەندامەى پێشووى بکاتەوە، بە ڕێکخستنی کۆڕێکى تایبەت بۆ رێزلێنانى
داوا لە خواى گەورە دەکەین سەبوورى بە هەموو لایەک ببەخشێ و ئەویش بەر ڕەحمەتى خۆى بکەوێت.
ئەکادیمیاى کوردى
هەولێر، 16/11/ 2014
-

 

 

 

ئه‌م بابه‌ته‌ 334 جار خوێندراوه‌ته‌وه‌

« تشرینی یەکەم 2019 »
٢ شەم ٣ شەم ٤ شەم ٥ شەم هەیینی شەممە ١ شەم
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

 

 

 

 

 

 

 

Copyright © 2013 Kurdish Academy. All Rights Reserved.