Homeهەواڵپ.ى.د. جەعفەر شێخولئیسلامى : هەموو پرۆسەیەکى دروستبوونى نەتەوە بەرەو ڕووى زمانى ڕەسمیى و ستاندارد دەبێتەوە

پ.ى.د. جەعفەر شێخولئیسلامى : هەموو پرۆسەیەکى دروستبوونى نەتەوە بەرەو ڕووى زمانى ڕەسمیى و ستاندارد دەبێتەوە

بڵاوكراوه‌ته‌وه‌ له‌ هه‌واڵ یەک شەممە, 01 ئەیلول 2013 00:47
 پ.ى.د. جەعفەر شێخولئیسلامى :  هەموو پرۆسەیەکى دروستبوونى نەتەوە بەرەو ڕووى زمانى ڕەسمیى و ستاندارد دەبێتەوە 
لە درێژەى کار و چالاکییەکانىدا، ئەکادیمیاى کوردى، ئێوارەى ڕۆژى چوارشەمە (5/12/2012) لەناو تەلارى ئەکادیمیاى کوردى، ئێوارەکۆڕێکى بۆ بەڕێز " پ.ى.د. جەعفەر شێخولئیسلامى " بە ناو و نیشانى (قانوونیى زمانیى و ململانێى ئایدۆلۆژییەکان لە هەڵبژاردنى زمانى ڕەسمییدا: زمان وەکو کەرەستە، پێناسە و ماف)  سازکرد. لە کۆڕەکەدا دکتۆر تیشکى خستە سەر بابەتێکى  زۆر هەستیارى وەکو پرسى زمان و نەتەوە ، کە تێیدا ووتى : ئەگەر نەلێین هەموو، بەڵکو زۆربەى پرۆسەکانى دروستبوونى نەتەوە  بەرەو ڕووى پرسى زمانى ڕەسمیى و زمانى ستاندار بوونەتەوە، هەر نەتەوەیەکیش بە پێى هەلومەرجى مێژوویى، کۆمەڵایەتى کلتوورى و سیاسى خۆى بەرەورووى ئەو پرسە بووەتەوە و هەوڵى داوە قانوون و پلانى زمانى گونجاو هەلبژێرێ و بیانخاتە مەیدانى کردەوە . لە کوردستانى باشوور ئەم پرسە زمانییە بەرەو رووى هەندێک کێشەى جیدیى بووەتەوە. یەکێک لەو کێشانە بریتییە لە هەڵبژاردن یان هەڵنەبژاردنى یەکێک لە شێوەزارە کوردییەکان وەکوو زمانى رەسمى هەرێم،  هەروەها هەوڵی دا بەو ئەنجامە بگا کە پلاندانانى سەرکەوتووانە بۆ زمان دەبێ زۆر ئامانجى لەبەر چاوبێ، لەوانە : دیاریکردن و مسۆگەرکردنى پلەوپایەى زمان وەکو یەکێک لە کەرستە هەرەگرینگەکانى نەتەوە دروستبوون بۆ مەبەستى پێوەندیگرتن و پێوەندیکردن، داننان بە گرینگایەتى زمان لە چێکردنى پێناسەى تاکەکەسى و نەتەوایەتیدا و لەبەرچاوگرتن و رێزلێگرتنى مافى زمانیى. لە کۆتایى دا میوانان و ئامادەبووان کۆڕەکەیان دەوڵەمەندتر کرد و پرسیارو رەخنەکانیان ئاراستەى کۆڕگێر کرد کۆڕگێریش وەڵامى سەرجەم رەخنەو پرسیارەکانى دانەوە . 

 

 
ئه‌م بابه‌ته‌ 489 جار خوێندراوه‌ته‌وه‌ دواین نوێكردنه‌وه‌ پێنج شەممە, 05 حوزەیران 2014 17:32

« تەمموز 2019 »
٢ شەم ٣ شەم ٤ شەم ٥ شەم هەیینی شەممە ١ شەم
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

 

 

 

 

 

 

 

Copyright © 2013 Kurdish Academy. All Rights Reserved.